Das isch es gsi mit unserem Adväntskalender uf d'Ohre 2025! Mir hoffe, euch drmit e Freud gmacht zha. Merci für euri unglaublich tolle und motivierende Rückmäldige.
Für das nämme mir gärn au e biz weniger Schloof in Kauf!
Mir händ das Joor wider ungefähr 100 Grüsch und noch e biz meh Musik für euch gsuecht und gschnitte. So hämmer am Schluss 264 Minute
Hörspass für euch chönne ufelade.
Unseri Türli vo de letschte Joore sin bis jetzt insgesamt über 5'500 mol abgelade worde. Und mir meine zwüsse, dass s einte oder andere Türli von unsere kleine (und grosse) Fans meh als eimol gloost worde isch.
Das isch für uns e riesigi Motivation au witerhin mit viel Härzbluet Gschichte z'sueche, sie yzläse und z'vertone.
Mir wünsche euch vo Härze gnüsslichi Feschtdäg und über beidi Ohre strahlendi Mensche um euch ume.
Du chasch die neuschte Gschichte äntwäder direkt do im Webplayer aloose oder du abonniersch dir die ganzi Sach in dinere bevorzugte Podcast-App. Je nach Betriebssystem, Grät oder App klicksch eine vo de folgende Link a:
Wenn beidi Links bi dir nid funktioniere, chasch immer no die folgendi Adrässe kopiere und vo Hand in dini Awändig kopiere.