Willkomme zum Advändskaländr 2022
Ä Podcast für alli grosse und kleine Chinder. Gmacht vom Lou, em Fabio, dr Selina und em Michael. Bis an Wienachte griegsch du jede Tag eins uf d Ohre.
Ei kleini Bitt hämmer an di: Es isch e private Podcast und das söll so bliebe. Die Gschichte sin exklusiv für di. Also due du dr Link nid witergäh oder sogar irgendwo veröffentliche (Facebook und anderi Sache). Mir danke dir und wünsche jetzt viel Spass mit allne Gschichte.
Drbi si
Jede Sunntig chasch du live drbi si, wenn mir ei Gschicht für dr Podcast ufnähme. Chum eifach vrbi im kleine Wassermaa, em Parkcafé im St.Johanns-Park. Immer am Sunntig gits Punsch, heisse Moscht und am 5i e Gschichtli live am Füür.
Loose
Du chasch die neuschte Gschichte äntwäder direkt do im Webplayer aloose oder du abonniersch dir die ganzi Sach in dinere bevorzugte Podcast-App. Je nach Betriebssystem, Grät oder App klicksch eine vo de folgende Link a:
Wenn beidi Links bi dir nid funktioniere, chasch immer no die folgendi Adrässe kopiere und vo Hand in dini Awändig kopiere.
Und e kleine Tipp an d Eltere falls es irgendwie nid sötti funktioniere: frooged eifach euri Chinder!
Saage
Wenn de uns öbbis wotsch mitteile chasch uns alüte (d Nummere vo öbberem vo uns hesch jo sicher) oder du schriebsch e Mail an adventspodcast@gmx.ch